利物浦上场作客热刺输1比2，VAR摆乌龙将入波误判越位，引起牵然大波，虽然英国职业裁判员公司(PGMOL)已经道歉兼公开球证对话录音，但对於不公结果都於事无补。利物浦领队高普周四(5日)公开表示，「重赛」系唯一合理解决方法。

高普喺欧霸盃前记者会表示：「公开录音改变唔到咩嘢，我对出错嘅原因冇兴趣，我只系关心个结果，恰当咁处理呢件事好重要，佢哋(球证团队)唔系有心，但的确系犯错，好严重嘅错。我唔系以利物浦领队身份提出，而系以一个球圈人士身份提出，唯一合理结果系重赛，虽然我知道实现机会唔大。」

英国传媒消息指，热刺对利物浦一仗重赛机会唔高，因为先例一开就会制造更多争议事件，而利物浦亦未正式向足总提出重赛要求，英国《每日镜报》指利物浦已将事件交畀律师处理，睇下有乜可行揩施可以做。