国际赛期陆续球员宣布受伤，瑞典足总周二(10日)宣布，效力纽卡素嘅前锋阿历山大伊沙克因伤退队，领队赞尼安达臣暂时唔补选球员，佢嘅缺阵会严重打击瑞典争出线最後希望。

状态大勇嘅阿历山大伊沙克，上场英超对韦斯咸梅开二度，但喺86分钟受伤主动要求被换离场，佢日前向国家队报到後，经军医检查证实唔踢得，足总声明表示：「队医帮伊沙克检查後，认为佢唔能够喺未来2场赛事上阵，伊沙克已离开国家队备战大军。」

瑞典周五(13日)会友赛摩尔多瓦，下周会喺欧国外作客大战比利时，瑞典依家喺F组排第3位，落後前2名比利时同奥地利7分，出线机会渺芒，作客比利时一仗非胜不可，但阿历山大伊沙克受伤令情况难以乐观。