英超卢顿主场迎战利物浦，卢顿虽然喺下游挣扎，但胜在够拚劲，主场出击玩死守甚少大败，红军对住升班球队例「轻手」，今仗唔慌多波入，3.5球细盘捧得过。（Now 621及611周一凌晨零时30分直播）

事隔30多载重返英格兰顶级联赛嘅卢顿，今季升上英超明显唔够班，开咧後打咗10仗联赛，只得1胜2和7负，若果单计主场亦仅得1和3负，不过要留意3场败仗都只系输1粒，呢4仗主场全开3球或以下，包括对住榜首热刺亦仅输0比1。加上有主场球迷支持，卢顿踢得分外醒神，用战意搭够，二来佢哋有自知之明，尤其喺进攻乏力之下，必定摆铁桶阵死守，令佢哋就算输都唔会输到大大镬。

另边厢，利物浦自从10月头对热刺一役，被球证同VAR误判「吹走」入球导致输波後，各项赛事近6仗取得5胜1和，重上正轨。有别於季初经常先失波情况，单计联赛红军2连胜兼保持清白之身，可见近期防守明显稳阵番好多，而且佢哋近4次联赛对住升班球队，有3次开3球或以下，卢顿死守希望输少当赢，入球细有计。