纽卡素「3重争议」入波 破阿仙奴不败身
2023-11-06 来源: 八一体育 点击
周日(5日)凌晨英超赛事,纽卡素主场凭一个「3重争议」入波,以1比0击败阿仙奴,打破「兵工厂」今季英超不败身。纽卡素嘅入波极具争议,VAR用长时间去覆核「出界」、「犯规」同「越位」3大疑点,结果全部判决都系维持入球有效。阿仙奴领队阿迪达赛後炮轰球证判决系「耻辱」。
两队今场踢得非常激烈,出现大量埋身镜头,上半场阿仙奴中场夏维斯曾鲁莽飞铲逃过红牌,纽卡素中场般奴古马雷斯亦多次报复式开肘同踢人,球证亦冇表示。全场唯一入球出现喺64分钟,当时祖尔韦洛克喺底线拎波,传中畀祖连顿头槌二传,由安东尼哥顿龙门口赶到射入。
不过呢球波疑点重重,首先系祖尔韦洛克喺底线拎波嗰刻,个波似乎已经完全超出底线,之後祖连奴头槌二传,亦明显「双龙出海」将阿仙奴守将推跌,但VAR呢两个检查都认为冇问题,最後审视越位嘅画面,更因为所有摄影机角度都被球员遮住,睇唔到出脚时间点而「未能画线」,最终判入球有效。
阿迪达赛後愤怒表示:「我哋要问下呢球波点解会成立?实在难以置信,我觉得好羞耻,球证容许呢个波成立系耻辱。作客纽卡素已经够艰难,佢哋系支好出色嘅球队,但呢种(执法)水平完全唔符合号称世界最佳联赛嘅英超,我唔理佢哋(PGMOL)讲咩,一切都已经太迟。」
上一篇:迪亚斯归队操练 有望上阵斗卢顿 | 下一篇:迪亚斯忍痛救驾 绝地入波:还我爸爸 |
相关阅读
- 11-06洛迪高高斯续约至2028 毁约金10亿欧元
- 11-06苏保斯拉尔6项数据 展现全能战士威力
- 11-06祖高尔:坦哈格靠11号翻身
- 11-06迪亚斯忍痛救驾 绝地入波:还我爸爸自由!
- 11-06英超23/24赛季-富勒姆0-1曼联-拚出来的胜利
- 11-06马些路赢卡云尼 富明尼斯首夺自由盃冠军
- 11-06纽卡素「3重争议」入波 破阿仙奴不败身
- 11-06英冠2021/22年赛季(第1~11轮):开季粗评(下
更多>>精选阅读