C朗拿度喺沙特入球停不了！艾纳斯周日(5日)凌晨主场2比0击败艾卡赫利，联赛3连胜力逼榜首嘅希拉尔，葡萄牙球星C朗拿度1射1传成为最大功臣，佢今仗轰入世界波，更加系佢自30岁後第400个入球，宝刀不老！

艾纳斯今季状态大勇，沙迪奥文尼9分钟单刀射入被判诈胡，不过C朗喺25分钟发威，佢禁区顶控定後右脚轰入世界波，58分钟C朗再助攻拿朴迪门前射入，带领艾纳斯轻松赢2比0，各项赛事连续16场不败，目标直指冠军宝座。

38岁嘅C朗今季联赛已入12球，抛离阿历山大米祖域(9球)排射手榜第1位，呢球亦系佢踏入30岁後第400个入球、38岁之後第43个入球，入球率完全唔受年纪影响。艾纳斯周三(8日)凌晨会喺亚冠盃作客艾杜哈尼，C朗有机会继续数胡。