周二(7日)凌晨意甲，费辛隆尼主场以2比1击败安玻里，原本戏码一般，但却创下一项新纪录，费辛隆尼中场艾利庄伊巴谦莫域射入1球，成为首位喺2005年出世嘅意甲入波球员，一位超新星正式诞生。

仲有1个月先至满18岁嘅艾利庄伊巴谦莫域今仗演出非常抢镜，先助攻古尼入波，跟住78分钟自己射入1球，安玻里喺比赛末段破蛋，无阻费辛隆尼全取3分，费辛隆尼近5场联赛主场取得4胜1和，绝对唔嘢小。

主角艾利庄伊巴谦莫域同已挂靴嘅AC米兰神锋伊巴谦莫域并冇亲戚关系，呢位小将有科索沃血统，本身喺德国出世，曾於拜仁慕尼黑青年军受训，今年2月首次为拜仁上阵踢德甲，今季被外借去费辛隆尼，踢4场意甲入1球。

虽然艾利庄伊巴谦莫域有科索沃国籍，但佢选择代表德国，已经为德国U16至U18上阵，假以时日应该可以晋身德国大国脚。