西班牙名将法比加斯挂靴前最後效力球队系意乙嘅科木，上阵17场，并成为该队看守教练，同埋U19主帅，近日有消息话，36岁嘅法比加斯将会坐正科木主帅位置，将带领科木征战意乙。

「转会专家」罗曼诺报道，法比加斯将被任命为科木主教练，系佢首次担任一线队主帅位置，科木现时喺意乙12战6胜3和3负排第6，落後榜首帕尔马8分，但少踢1场，争升班唔系冇机会。

法比加斯球员生涯踢过英超、西甲同法甲，赢过英超、西甲、世界盃同欧国盃，估唔到生涯晚期去到科木落脚，今年7月宣布挂靴并成为科木U19主帅，依家仲做埋科木主教练，似系对自己一种历练，为将来执教豪门铺路。