今季重返争标行列嘅利物浦，周日(3日)英超上演「金球Show」，主场轰入4个世界波下4比3戏剧性击败富咸，领队高普赛後直指呢场系令球迷「一世难忘」嘅精彩赛事。

利物浦今仗20分钟开纪录，阿历山大阿诺特主射罚球直飞死角，中楣底後弹中宾特尼奴入网，富咸4分钟後由哈利威尔逊追平，不过利物浦中场阿历斯麦亚里士打38分钟展功架，离门30码起脚轰入死角，可惜後防错漏百出，完半场前又被富咸门前混战射入，半场踢成2比2。

踢到尾段高潮迭起，卜比列特80分钟头槌为富咸领先3比2，以为利物浦将会失分，日本中场远藤航87分钟禁区顶撞射轰入上角，1分钟後阿历山大阿诺特再喺禁区边割草式劲射入网，帮利物浦赢4比3全取3分。

「红军」领队高普赛後兴奋表示：「踢到3比3嗰阵，你见到班球员非常渴望胜利，喺运气帮助下成功咗。今场对所有入场嘅人都系顶级体验，赛前冇人会谂过，利物浦对富咸会系令你一世难忘嘅比赛......我睇过唔少比赛，但从未睇过一场波会有咁多世界波！」