谢德谦:车仔白礼顿残阵对决斗头痕
2023-12-04 来源: 八一体育 点击
今个星期日英超会上演「好难捉摸」嘅车路士,主场对住啱啱喺欧霸赢波嘅白礼顿。今场双方除咗要克服喺寒流作赛之外,两边领队都同样头痕,事关两队加埋,差唔多有二十人因为受伤或者停赛出唔到场,喺调动方面大受影响。
车仔今场有古古列拿同上场两黄一红被逐嘅列斯占士齐齐坐波监,加上利维高维尔受伤,成条防线踢得嘅球员一只手数得晒,仲要希望上场表现麻麻嘅堤亚高施华及时回勇,先有机会顶得住白礼顿啱啱伤愈复出嘅三笘薰,呢位日本国脚上场欧霸一复出就交出助攻,今季表现持续勇猛。预计白礼顿今场会继续打高位压迫,猛轰车路士一班难得有正选嘅後备。
上仗车路士领队普捷天奴喺赛後,炮轰一班比赛态度不足嘅球员,我以球员经验去感觉,车仔今场通常都会知耻近乎勇。小弟会入去史丹福桥球场同大家评述呢场波,睇下呢班後生又识唔识做,踢番场好波。
上一篇:曼联又输!作客前8球队2年未赢过! | 下一篇:纽卡素又伤多件 尼克普比或做手术 |
相关阅读
- 12-04费度:洛杉矶封「侯」入总决赛
- 12-04欧国盃抽签现叫床声 整蛊专家玩谢球星
- 12-04纽卡素又伤多件 尼克普比或做手术
- 12-04英超23/24赛季-阿森纳2-1狼队-枪手连胜中
- 12-04佐藤寿人:红钻访北海道可保不败
- 12-043大「苦主」放弃法律行动 爱华顿可望避过破产
- 12-04坦哈格即场闹爆马迪尔 大胆反驳等入冷宫
- 12-04又系你呀?贺柏战绩彪炳 热刺再得益
更多>>精选阅读