欧国盃抽签英格兰有运行 意西陷死亡之组
2023-12-04 来源: 八一体育 点击
明年6月展开嘅欧国盃决赛周,周日(3日)凌晨喺主办国德国举行分组赛抽签,被视为夺冠热门嘅英格兰抽到上上签,成功避开一众名牌劲旅,不过衞冕嘅意大利就冇咁好彩,佢哋落入被视为「死亡之组」嘅B组,同组有西班牙同克罗地亚2大劲旅,争出线有恶斗。
喺外围赛8战6胜2和嘅英格兰签运一流,被编入C组嘅「三狮兵团」将会对塞尔维亚、丹麦同斯洛文尼亚,正常情况下好大机会首名出线。如果英格兰真系顺利拎到首名,16强会对其中一队「小组最佳第3名」,8强对手亦系其他小组次名,最快要到4强先会对小组首名出线球队。
有到场出席抽签嘅英格兰领队修夫基表示:「我哋参加过好多次抽签,每次感觉都系一样,比赛唔系纸上谈兵,我哋想避开某1、2支球队,但面对嘅对手大部份都好有实力。我哋好清楚国内球迷对英格兰嘅期望,球队亦做好准备去回应大家嘅期盼。」
今届抽签最瞩目系B组,意大利、西班牙同克罗地亚3大名牌都喺呢组,意大利同西班牙都系上届4强份子,准决赛交锋就要踢到互射12码先由意大利晋级。分组赛其余焦点对碰,D组荷兰同法国备受注目。2024欧国盃会喺明年6月14日开幕,揭幕战由德国对苏格兰,7月14日进行决赛。
欧国盃决赛周分组形势
A组●德国、苏格兰、瑞士、匈牙利
B组●西班牙、意大利、克罗地亚、阿尔巴尼亚
C组●英格兰、斯洛文尼亚、丹麦、塞尔维亚
D组●法国、荷兰、奥地利、附加赛A胜方
E组●比利时、斯洛伐克、罗马尼亚、附加赛B胜方
F组●葡萄牙、土耳其、捷克、附加赛C胜方
上一篇:祖高尔:期望喜鹊红魔入球盛宴 | 下一篇:欧国盃抽签现叫床声 整蛊专家玩谢球 |
相关阅读
- 12-04费度:洛杉矶封「侯」入总决赛
- 12-04欧国盃抽签现叫床声 整蛊专家玩谢球星
- 12-04纽卡素又伤多件 尼克普比或做手术
- 12-04英超23/24赛季-阿森纳2-1狼队-枪手连胜中
- 12-04佐藤寿人:红钻访北海道可保不败
- 12-043大「苦主」放弃法律行动 爱华顿可望避过破产
- 12-04坦哈格即场闹爆马迪尔 大胆反驳等入冷宫
- 12-04又系你呀?贺柏战绩彪炳 热刺再得益
更多>>精选阅读