和波即首名出线　天大叹慢板「细」在必行

2026-05-29　来源: 八一体育点击

自由盃分组赛煞科，其中D组阿根廷小保加主场迎战智利天主教大学。虽然小保加要赢波先有机会出线，但无论近况或攻力都麻麻，一定要稳中求胜，相反天主教大学唔输都收货，必定踢得保守大叹慢板，捧2.5球入球细最上算。（HOY 76台周五早上8时30分直播）

先讲讲D组形势，除咗包尾大幡SC巴斯隆拿肯定出局外，其余3队仍有机会出线，天主教大学以10分排榜首，领先高士路2分及小保加3分，由於同分先计对赛成绩，小保加对高士路只得1和1负，唯一庆幸系首循环对天主教大学赢2比1，对赛占上风，如果想出线，先唔好理高士路嗰边任何赛果，今仗要做好赢波本分，追到与天主教大学同分，并藉较佳对赛成绩晋级。

不过，小保加本身状态好一般。佢哋各项赛事近5场只得1胜2和2负，入得4粒，其中4场开2球或以下，就算只计自由盃，5场只得2胜1和2负，仅入6粒，近3场全开2球或以下，攻力认真麻麻，今仗必定先求稳阵，睇准机会拮对手一刀。

另边厢，天主教大学喺D组5场获3胜1和1负，今仗任务好简单，只要唔输就肯定出线，由於对赛处劣势，而且近期经常少交收，作客场合随时踢得更保守，希望靠死守闷闷哋磨蚀对手战意，相信战情会陷於胶着，唔慌多波入，捧入球细啱数。