今轮意甲罗马作客史柏斯亚，凭谭美阿巴谦补时9分钟嘅「绝杀」12码，1比0仅胜半场前打少个嘅对手。难得终止4场不胜走势，领队摩连奴梗系开心，不过正经历两场「波监」嘅佢，今场只能喺队巴隔住部iPad见证球队赢波嘞！

赛前各项赛事4场赢唔到嘅罗马，今轮作客下游球队史柏斯亚。史柏斯亚後衞奇云艾米安上半场两黄一红被逐，罗马成个半场占尽人数优势，但战至补时9分钟先由车路士借将谭美阿巴谦射入12码「一箭定江山」，取得近5场首场胜仗。

值得一提嘅系，罗马领队摩连奴因为前一场侮辱球证，被赛会判罚要坐两场「波监」，今场只能坐喺队巴入面，透过iPad观看球赛，罗马龙门教练纽奴山度士嘅IG图片更附上说明：「监狱入面有iPad电视。」似乎有揶揄摩佬嘅意图，不过赢波咁开心，畀人笑下都唔紧要啦。