伊巴谦莫域暗示挂靴 冠军献拉奥拿
2022-05-24 来源: 八一体育 点击
AC米兰喺意甲煞科日重夺联赛冠军,已40岁嘅伊巴谦莫域今场後备上阵,赛後呢位瑞典前锋贯彻「招积」作风,食住大雪茄庆祝,但同时亦显示感性一面,表示将冠军献畀早前过身嘅经理人兼好友拉奥拿。对於自己嘅前途,伊巴谦莫域话仍未作出决定,但暗示可能会挂靴。
伊巴谦莫域今季意甲23次上阵入8球,佢赛後表示:「好神奇!AC米兰11年前捧意甲冠军我在阵,今次冠军我又喺度!我重投AC米兰嗰阵承诺要帮球队重夺意甲,好多人都笑我,但经过几年努力同付出,我终於履行到我嘅承诺。」
伊巴谦莫域特别将冠军献畀拉奥拿:「呢个奖盃献畀拉奥拿,系佢将我带返嚟AC米兰,话我系唯一可以拯救呢间球会嘅人。」被问到如果拉奥拿仍然在生,依家会同佢讲乜嘢,伊巴谦莫域就笑笑口话:「佢会叫我踢多10年,继续『偷』多啲钱!」
早前有传伊巴谦莫域会喺今季完结後挂靴,佢赛後表示未有定案:「首先我要有良好嘅状态,如果我感觉好好,今场就唔会系我职业生涯最後嘅比赛。最近我嘅身体同私生活都遇上问题,但我仍尽所能帮AC米兰拎到冠军,我会喺未来几日作出最後决定。」
上一篇:英超意甲大结局 一齐见证王者诞生 | 下一篇:3代捧走12次意甲 马甸尼花3年重振AC |
相关阅读
- 05-243代捧走12次意甲 马甸尼花3年重振AC
- 05-24英超意甲大结局 一齐见证王者诞生
- 05-24伊巴谦莫域暗示挂靴 冠军献拉奥拿
- 05-24人生赢家!22岁神兵已拎3大联赛冠军
- 05-18意甲-莱奥+特奥进球 AC米兰2-0胜强敌夺5连胜领跑
- 05-18意甲-罗马1-1战平10人降级队 穆里尼奥近5轮不胜
- 05-18穆帅:下赛季我肯定留在罗马 我们能拿欧冠席位
- 05-18迪巴拉确认将告别尤文:命运让我走不同的道路
更多>>精选阅读