周二(5日)凌晨意甲出现爆冷赛果，榜首AC米兰主场出击，围攻博洛尼亚，全场有33次射门，但都入唔到波，打和0比0。A米今场着「褪色波衫」比赛，唔止失分，仲有神锋伊巴谦莫域被撞爆眼角，血流如注，睇嚟呢件新球衣唔多吉利喎。

双方实力有距离，AC米兰挟3连胜强势猛攻对手，基奥特、巴谦戴亚斯、皮尔卡鲁鲁等球员多次攻门都无功而还。踢到70分钟，伊巴谦莫域後备上阵搏杀，但入唔到波之余，仲因为同对手加利美度相撞，搞到眼角血流如注，两人都要用绷带包紮。

AC米兰今场有33次射门，创下球队近17年以来最多射门而又未能入波嘅联赛，A米现时只系领先第2位拿玻里1分，争标出现暗涌。