皇家马德里目前喺洛杉矶进行季前热身，除咗一班球星受到球迷欢迎外，会长皮里兹出现亦引起球迷反应，唔少粉丝向佢高叫：「请签返C朗拿度！」似乎皇马嘅球迷仍然好挂住呢位葡萄牙前锋。

据西班牙《阿斯报》报道，皮里兹周四(21日)喺公开场合为球迷签名，期间有唔少球迷趁机会「进谏」，有人高叫：「会长，求求你，请签返C朗拿度！」另一人亦话：「一定要确保C朗唔会加盟马德里。」

近期盛传C朗有意加盟马体会，不过近日C朗女友乔治娜日前喺社交网贴相，相中C朗囝囝Mateo就着住皇马波衫出现，引嚟球迷无限猜想。皇马今夏曾收购基利安麦巴比失败，理论上前锋位置仍有买人空间，但教练安察洛堤最近表明转会工作已经完成，未必会再出手。