今季重返英超嘅诺定咸森林，周五(22日)凌晨宣布同自由身嘅连格达成协议，呢位29岁球星签约1年，据报周薪高达20万镑，差唔多系球队原本最高薪球员嘅6倍！

经历22年曼联生涯後，连格喺社交网宣布：「准备好迎接新一页，森林上呀！」英国《每日邮报》报道，连格喺森林将获20万镑周薪，而球队上季最高薪嘅史堤夫曲克只有35,000镑周薪，森林今次出手系志在必得。

森林升班後雄心勃勃，今夏已花7,000万镑签入9名新球员，当中包括由曼联借用门将甸恩轩达臣、利物浦守将尼高威廉斯、缅恩斯嘅法国中坚尼亚希迪等等。据报连格已加入森林喺德国嘅集训，周六(23日)对柏林联嘅热身赛有望上阵。