曼联昔日有费格逊呢位着名「吹风机」，经常闹爆表现差嘅球员，新帅坦哈格原来亦系「同道中人」，多次被影到疯狂爆粗闹球员，日前一课练习入面，坦哈格就被影到大声斥责球员系「垃圾」。

坦哈格一直强调要将阿积士嘅传控足球引入曼联，不过一班「红魔鬼」球星似乎仍未跟得上，日前一课公开操练，坦哈格被影到督师期间全程大呼小叫，其中有一段系：「将个波保持喺地面...唏！保持控球呀，真系垃X圾！」

曼联喺季前热身赛连赢3场，上仗3比1赢水晶宫一仗中，小将查理沙维治因为冇退後帮波，搞到迪基亚要大脚踢出，坦哈格就喺场边向佢大闹：「你喺度做乜X呀？」近年曼联球员经常被批评表现漫不经心，或者坦哈格可以闹醒班球员呢？