热刺今夏青训有大动作，请来前英超名将耶耶托尼及迪科尔，出任热刺青训学院教练，为球会培育新人。

先讲迪科尔，39岁嘅佢今年初宣布挂靴，最後一间球会系英甲新特兰，呢位前英格兰国脚喺韦斯咸出身，但职业生涯踢得最耐系热刺，曾3度加盟，共为热刺上阵363场入143球，今次系佢首份教练合约，不过佢一向锺意小朋友，之前曾与一名癌症儿童互动，其事迹感动球坛。

同为39岁嘅耶耶托尼去年底曾以兼职身份在热刺担任青训执教，今次获任命为全职教练都好合理，佢职业生涯冇踢过热刺，曾效力巴塞隆拿及曼城，赢过2次西甲及3次英超冠军，挂靴後亦曾到过乌克兰及俄罗斯执教。

不过耶耶托尼场外新闻都唔少，例如曼城时期嘅生日蛋糕事件，仲有就系在一场慈善赛怂恿队友嫖妓被逐出队等，佢做青训教练，会唔会教坏细路？