法国中场保罗普巴今夏以自由身重返祖云达斯，不过佢早前操练期间左膝受伤，最初话要抖2个月，不过据《米兰体育报》爆料，保罗普巴伤势比预期中严重，原定喺美国做手术嘅计划亦都暂停，依家有2个治疗方案，其中一个会令佢缺席年底世盃决赛周。

据报保罗普巴叫停喺美国做手术嘅计划，周三(27日)已经飞返意大利再寻求专家意见，消息指目前佢有2个治疗方案，第一个系切除半月板撕裂嘅部份，休养期系40日至60日，但呢个方案比较适合较年轻球员；另一个方案就系缝合受伤位置，根治性比较彻底，但休养期长达4至5个月，如果保罗普巴选择第2个方案，就冇机会出战卡塔尔世界盃。

其实保罗普巴今年初已经受半月板伤患困扰，喺曼联亦大部份时间缺阵，但佢当时并冇提早做手术，令到依家出现两难局面，据报祖云达斯都曼联方面嘅治疗颇为不满。