利物浦喺英超开季连续2场失分，对水晶宫一仗达云纽尼斯失控，用头撞向佐基姆安达臣而食红牌，被视为失分罪人。达云纽尼斯周二(16日)公开道歉，承诺唔会再发生同样事情，不过「受害人」佐基姆安达臣，事後就收到大批利物浦球迷死亡恐吓，要求英超赛会「做嘢」。

佐基姆安达臣今场成功冻结达云纽尼斯，下半场推撞对方後被报复「头顶」，呢位丹麦国脚事後再爆料：「一晚之内我收到300至400个死亡恐吓讯息，我明白你哋支持自己嘅球队，但系请停止呢啲网上恶意行为，希望Instagram同英超会有行动打击呢啲行为。」

至於达云纽尼斯就喺社交网道歉：「我知道自己展示出丑陋嘅态度，我会喺错误入面学习，确保呢件事唔会再发生。」呢位乌拉圭前锋随後再发文：「向利物浦上下道歉，我会返嚟！」