阿仙奴作客奥脱福1比3不敌曼联，开季5连胜断缆，更惨嘅系中场再添伤兵，伊美路维喺完场之後嘅热身竟然都受伤，周中欧霸盃对FC苏黎世睇怕都唔使预佢。

阿仙奴喺转会窗死线收购杜格拉斯雷斯失败，喺汤马士柏迪同艾利尼受伤情况下，中场人手已经唔够，但今场後备上阵嘅伊美路维，完场後同几位後备球员做赛後热身，突然按住大腿疑似拉伤，要求助教陪住提前返更衣室，而且表情非常失望，似乎伤势都唔简单。

「兵工厂」周五(9日)凌晨要喺欧霸盃分组赛作客FC苏黎世，伊美路维原本预计会正选上阵，但依家就打乱计划。