英超公布上季(21/22球季)奖金分布，冠军曼城总收入高达1.53亿镑，不过英超向来实行嘅平均财富政策，令所有参赛球队都确保有丰厚收入，所以排包尾嘅诺域治都有超过1亿镑收入，成为史上第1间排包尾但赚逾1亿镑嘅球队。

英超嘅奖金分配计划，有差唔多18亿镑系畀20队平分，每队至少分到约8,800万镑，之後再根据成绩同电视直播次数「分红」，捧盃嘅曼城拎到约4,100万镑「表现奖金」，包尾嘅诺域治就只有200万镑，亦系总奖金出现分野嘅最重要地方。

直播场数方面，利物浦同阿仙奴各有29次直播，分别拎到2,500万镑奖金，而3支降班球队同埋修咸顿只有12场直播纪录，都有超过1,100万镑奖金。上季英超总奖金高达25亿镑，难怪队队都喺转会市场变晒大豪客。