周六(5日)晚德甲多蒙特凭17岁前锋尤素法莫高高梅开二度，加上基奥云尼雷拿射入12码，主场以3比0大胜波琴。不过，主角却系两队军医，竟然不约而同跑入球场帮球员治理时，跣脚铲爆自己友，场面非常趣怪。

首先系多蒙特球员受伤倒地，其中1位军医跑入场，可能地下太湿滑，跣脚铲向多蒙特後衞拉菲尔古里路，导致呢位葡萄牙国脚跌倒，好彩并冇受伤，只能无奈苦笑。

波琴军医亦不遑多让，当时波琴中场安东尼洛斯拿受伤倒地，冇晒知觉，军医跑到佢身边，突然跣脚，一个鞋底饼踩到安东尼洛斯拿面部，令佢由原本晕晕地，都立即清醒番，莫非系军医嘅「特别急救方法」？