法国晋级世盃4强，根据法国足总同领队迪甘斯协议，已达到留任最低标准，可以留任，至於等紧接手嘅施丹已经冇机会，想执教法国队至少要等到2024年。

《巴黎人报》报道，法国足总为迪甘斯定下目标，就系至少要打入4强，如今法国已经达标，迪甘斯可以自行决定去留，而迪甘斯希望继续带领法国征战2024年欧国盃，施丹想执教法国队，仲有排等。

在世盃8强击败英格兰後，迪甘斯表示：「我依家有权决定自己未来，首先我会打好4强战，再睇会发生咩事，一切会喺适当时候发生，我哋成功达标，我仲想好好感受呢场胜仗。」

施丹去年夏天离开皇马，而当时法国刚在欧国盃失利，16强输畀瑞士，其实系施丹接手法国队嘅最佳时机，不过法国足总无意换帅，施丹错失接手时机，依家法国队如日中天，捧埋盃都唔出奇，施丹嘅法国领队梦唔知等到几时。