拜仁作客唔敢乱攻 曼城稳阵波做「细」界
2023-04-13 来源: 八一体育 点击
欧联8强首回合重头戏,曼城主场火并拜仁慕尼黑。曼城主帅哥迪奥拿首度喺欧联倒戈旧主,拜仁亦有曾带领车路士称霸欧洲嘅教头杜曹上任,两军都系今届防守最强之师,高手过招必小心为上,3.5球嘅入球细乃明智之选。(Now 643周三凌晨3时直播)
曼城主帅哥迪奥拿喺2013至2016年曾执教拜仁,虽然喺德甲所向披靡,但3季均喺欧联4强止步,成为离队主因,今次系佢首度於欧联倒戈相向,誓要还以颜色。
「蓝月亮」有艾宁夏兰特挂帅,攻力强劲,查实佢哋防守都有明显提升,今届8仗欧联取得5胜3和未输过,仅失3球,其中5仗冇失波,值得留意系该队场均达63.6%控球率,冠绝群雄,亦系成功巩固防线嘅关键。
另边厢,拜仁喺前任教头拿高斯文带领下,今届欧联8战全胜兼只失两粒,有7仗保持清白之身,系今届欧联防守最佳球队。虽然拿帅突然被炒令人愕然,但新上任嘅杜曹擅打盃赛,其中2021年中途接手车路士,喺欧联决赛以1比0击败佢「偶像」哥迪奥拿麾下嘅曼城,哥帅难免有所忌惮。
当然杜Sir初来甫到,早前又喺德盃爆冷畀弗赖堡踢出局,今仗作客必然唔敢冒进。睇番拜仁近4仗欧联全开3球或以下,大家实力又半斤八両,必定会小心谨慎,3.5球入球细有计。
上一篇:情飞德乙?近期战绩大有起色,沙尔克 | 下一篇:【人物志】迪历特重生 防线炸弹变身 |
相关阅读
- 04-13拜仁作客唔敢乱攻 曼城稳阵波做「细」界
- 04-13情飞德乙?近期战绩大有起色,沙尔克04依然有望
- 04-12【人物志】迪历特重生 防线炸弹变身远射王
- 04-11利物浦买唔起比宁咸 转吼拜仁中场
- 04-09施特赖希:基米希冲我们看台吼并不好,我们淘汰
- 04-09索默:除稍缺效率外拜仁踢得很好,欧冠对曼城将
- 04-09图赫尔:很高兴能零封复仇弗赖堡,马内的跑动是
- 04-09履行承诺!穆西亚拉赛后与弗赖堡主帅拥抱,并送
更多>>精选阅读