车路士早前聘请教波往绩甚差嘅林柏特担任看守领队，令人大感意外，结果上仗第一击就输畀狼队，队长艾斯派古达都当呢位名宿冇到，讲明最希望西班牙同胞安历基下季执教车路士。

艾斯派古达之所以咁想同安历基合作，主要原因对方嘅战术非常适合佢：「我踢西班牙国家队表现最好嘅时期，就系由安历基执教，佢有清晰指示，非常享受佢嘅战术部署，虽然西班牙喺上年世界盃成绩欠佳，但其实喺安历基领军下，我哋系一支强大球队，值得行得更远，佢会唔会成为车路士主帅，大家拭目以待。」

33岁嘅艾斯派古达自从2月中英超对修咸顿之後，一直因伤缺阵，预料无法出战周四(13日)凌晨欧联8强首回合作客皇家马德里。