白礼顿翼锋三笘薰今季表现大勇，获得唔少球会垂青，盛传可能今夏转会，但主帅迪萨比开腔为爱将作出否认，拍晒心口话，呢位26岁日本国脚一定留队，并睇好佢下季最少可以入15球。

白礼顿上仗以3比1击败修咸顿，三笘薰贡献1次助攻，并曾经射门中柱，表现大护好评，迪萨比被传媒问到三笘薰会唔会被其他大球会收购时就话：「我完全相信三笘薰下季仍然会喺队中，佢首季踢英超，已经表现出强大实力，以佢嘅潜力，我希望佢下季最少入15球。」

三笘薰今季为白礼顿各项赛事上阵39场入10球，其中31场英超入7球，成为英超史上单季最多入波嘅日本球员，难怪迪萨比对佢下季再创入球新高，充满信心。