西甲周中开快车，要争分确保前4资格嘅皇家苏斯达，主场斗艾美利亚。皇苏啱啱击败巴塞隆拿，近4场联赛获3胜1和，士气正盛再赢唔难。艾美利亚作客唔掂，近2场又大败，皇家苏斯达让1/1.5，照捧上盘。（Now 632周三凌晨1时30分直播）

现时排第4嘅皇家苏斯达，领先第5位嘅维拉利尔5分，联赛净番3轮，欧联入场券仲未稳阵，主场出击当然要袋晒3分。佢哋季尾状态大勇，先後击败皇马同巴塞，近4场联赛获3胜1和，士气正盛。

另边厢，艾美利亚现时排14，啱啱喺主场击败马略卡，令到球队护级形势稍稍松一口气，今场唔使急於夹硬抢分。事实上艾美利亚作客表现不济，近8场作客输6场，最近两场分别输畀皇马2比4同奥沙辛拿1比3，今场相信都顶唔住皇苏，皇苏上盘稳阵。