车路士嘅美国班主保利上任後，球队营运立立乱，不过保利打算继续扩充佢嘅足球王国，周四(22日)宣布正式收购法甲球会斯特拉斯堡，不过斯特拉斯堡球迷对今次易手非常不满，大批球迷去到球会总部拉横额抗议，抗拒保利嘅入主。

斯特拉斯堡上季法甲仅仅护级成功後，球会周四发声明，证实会长马克基拿已接纳保利嘅收购，英国《衞报》指保利领导嘅财团，以6,500万镑(约6.5亿港元)买入斯特拉斯堡接近100%股份，而马克基拿会继续留任会长一职。不过消息公布後，有大批球迷去总部抗议，拉上写住「唔欢迎保利」嘅横额。

据报保利希望效法曼城，喺世界各地收购球会成为车路士嘅「衞星球会」，预计车路士会将部份青训或新签嘅年轻球员，安排去斯特拉斯堡磨练，消息指保利亦希望收购葡超球会朴迪莫伦斯。