欧洲转会窗关闭，不过利物浦能否留住穆罕默德沙拿，仲要睇多几日，沙特豪门伊蒂哈德日前派代表到利物浦，面谈沙拿转会事宜，报价破世界纪录嘅2.15亿镑(约21亿港元)，周薪亦系世界纪录嘅500万镑(约4,925万港元)。

多间传媒报道，利物浦喺死线日拒绝伊蒂哈德1.5亿镑报价，以为事情已结束，但伊蒂哈德并未放弃，仲派专人到利物浦跟进交易，开出2.15亿镑转会费、周薪500万镑嘅条件，举世瞩目。

消息传出後，球迷已经唔再抗拒沙拿离队，反过来有更多球迷支持利物浦出售沙拿，《太阳报》网上投票，有超过75%民意支持出售沙拿，普遍观点认为，红军应出售超过30岁嘅沙拿，再用巨额资金进行重建。而且沙拿喺沙特一年薪金所得，等於喺利物浦踢20年，放走佢对大家都好。