曼联上仗英超对阿仙奴，踢到74分钟出现疑似内讧一幕，中场卡斯米路凶神恶煞，揪住首次上阵嘅贺兰特衣领，讲咗几句，当时网民以为呢位巴西国脚不满对方表现，事後贺兰特出来澄清，指卡斯米路其实系讲咗激励说话，为佢打气。

贺兰特接受传媒访问时解释当时情况：「卡斯米路用西班牙话讲咗类似加油嘅字句，佢好高兴我可以为球队带来一种有别於马迪尔嘅风格，可能马迪尔技术好过我，擅於搵空位，我比较喜同对手直接硬碰，卡斯米路以前冇睇我过踢波，所以佢话对於我嘅踢法，感到好惊讶。」呢位20岁丹麦国脚仲话曾经好多球会对佢有兴趣，但佢首选始终系曼联。

贺兰特有份入选丹麦国家队，将於周五(8日)凌晨欧国盃外围赛主场对圣马力诺，3日之後对芬兰。