日联盃8强首回合，大阪飞脚主场硬撼浦和红钻。飞脚防守欠稳，近期场场有失波，撞正「急先锋」红钻，随时畀客军先入波，一於捧红钻「第一队入球」。（周三晚6时开赛）

飞脚战绩相当飘忽，连同热身赛在内，近7仗赢得3场咁大把，主要原因系防守曳到爆，呢7仗都未能保持清白之身，合共失咗13粒，包括日前联赛惨吞北海道札幌冈萨多4只光蛋。单计近4仗，飞脚就有3仗系先失波，就算只计今届日联盃，佢哋6仗亦只得2场保住不失，防线弱不禁风。

另一边厢，红钻状态回勇，各项赛事近5仗取得3胜1和1负，包括进身亚冠盃分组赛，以及喺联赛击败前列分子名古屋鲸鱼，有助提升球员信心。而且红钻最擅於抢开局，佢哋近5仗全部先开纪录，其中4仗系於上半场已取得领先优势，可见佢哋踢法非常抢缰，力求尽早领先稳定军心。

翻查纪录，飞脚同红钻近8次正面交锋，虽然互有胜负，但红钻有5次率先入波，明显佢哋最锺意先发制人，踢得主动，今场对住中门大开嘅飞脚防线，大把空位畀红钻打反击，不妨再撑红钻先入波。