巴西喺世界盃外围赛旗开得胜，以5比1大胜玻利维亚，理应值得高兴，但队内前锋李察利臣被影到喺後备席喊爆。据悉由於呢位26岁射手表现欠佳，包括浪费入波良机，被换走之後，自知难以再获得正选，因而伤心落泪。

李察利臣以正选上阵，踢到71分钟被换走，佢坐喺後备上阵，眼红红落泪，身边队友不断作出安慰。呢位热刺前锋伤心原因，可能系由於下半场初段，错失1次入波黄金机会，非常自责，无法原谅自己。网民意见众说纷纭，最多人认为李察利臣知道以佢近期表现，好难再喺国家队立足，更加唔好话踢正选，所以愈谂愈伤心。

李察利臣今季英超4次上阵都冇波入，仅於英联盃对富咸，获得1球进帐，表现一直备受批评，加上今仗世盃外被换走，令佢承受愈来愈大压力，忍唔住爆喊。