欧国外J组有场关键战，葡萄牙作客硬撼斯洛伐克。由新帅马天尼斯率领嘅葡萄牙，喺今届欧国外4战全胜，而且非常抢缰，造访劲敌斯洛伐克，势必先发制人，半场客胜捧得过。（周六凌晨2时45分开赛）

葡萄牙功勳教头费兰度山度士喺上年世盃後离职，改由前比利时主帅马天尼斯接手，佢未有急於将C朗贬为後备，反而委以重任，呢位队长亦再现射手本色，今届4场欧国外入5粒，带领球队豪取4连胜，证明自己宝刀未老。何况葡萄牙本身阵容鼎盛，前线除咗C朗外，仲有祖奥菲历斯、迪亚高祖达、干卡路拉莫斯等调动，中场亦有般奴费南迪斯、贝拿度施华领军，各个位置竞争激烈，落场球员必定会施浑身解数，战意唔成疑问。

另边厢，斯洛伐克头4轮获3胜1和不败，睇落唔错，但好大程度系对手实力偏弱，球队本身演出未见出色，主场就曾被卢森堡闷和0比0，上轮对住鱼腩列支敦士登亦仅胜1比0，阵中除咗中坚史坚尼亚外，其余球员实力只属一般，不宜高估。葡萄牙今届4连胜兼狂轰14粒之余，其中3仗於上半场已取得领先，加上今仗再赢的话，出线资格十拿九稳，必定一开波即抢攻，半场客胜咪错过。