卡塔尔世盃最佳新人安素费南迪斯今年初加盟车路士，本来准备喺英超创一番事业，但事与愿违，佢加盟後车路士乱局未停过，今季开局亦成绩低落，而且整体表现差劣，有报道指安仔唔想再浪费青春，认真考虑离开车路士。

西班牙《签约网》报道，该位以1亿镑由宾菲加转投车路士嘅阿根廷国脚，正认真考虑自己前途，主要原因系佢发觉车路士足球水平远低於预期，就算普捷天奴接手後仍未见进步，令安仔萌生退意。

22岁嘅安素费南迪斯当日为求转投车路士，几乎同宾菲加反面，虽然佢已贵为卡塔尔世盃冠军成员之一，但其足球事业实际上只系刚起步，依家发现自己搭错车，想跳车都好正常。