车路士去到美国集训，周日(17日)首场热身赛以2比1击败CF阿美利加，一班球员踢波之外亦有丰富节目，美臣蒙特、列斯占士同芝维尔就去到洛杉矶夜店狂欢，芝维尔更将佢哋夜蒲相片摆上IG，不过冇几耐就将相片删除，有传系因为受到车路士高层压力。

芝维尔喺IG嘅相片入面，美臣蒙特同列斯占士喺一大班衣着性感嘅女士中间，美臣蒙特拎住个胶杯饮品、列斯占士就揽住佢高举中指，齐齐做出伸脷嘅兴奋表情，不过有传车路士高层对佢哋明目张胆咁去夜蒲做法不满，芝维尔随即将相片删除。

喺对CF阿美利加嘅热身赛中，列斯占士炮制一个世纪乌龙波而被球迷批评，不过美臣蒙特就射入致胜球做英雄，车路士下仗热身赛将於7月21日早上对夏洛特FC。