曼联球星C朗拿度因「家庭原因」请假超过2星期，转会传闻亦冇停过，近半个月除咗一张做GYM相之外，呢位葡萄牙球星从未露面。不过葡萄牙媒体日前爆料，话影到C朗驾车出现喺士砵亭嘅停车场内，即时疯传佢准备回巢母会，亦逼到C朗首度开腔回应。

据《Sport TV Portugal》报道，话C朗回归士砵亭嘅希望大大增加，因为有人影到C朗揸住佢白色座驾，驶入去士砵亭基地停车场，传闻系去士砵亭就转会作出斟介。正当球迷满心欢喜，C朗本尊就喺报道入面留言回应：「假新闻」。

37岁嘅C朗已向曼联提出转会要求，据闻系希望转投可以出战欧联嘅球会，不过车路士、拜仁慕尼黑等劲旅盛传已否决签入C朗可能性，令C朗可以转会嘅选择唔多。