奥地利国脚阿拉巴早前向祖家尼日利亚捐款，在当地修建一坐公厕，捐款数字为1330万奈拉，折合3.1万美元，虽然金额唔多，但胜在到位，造福居民。

呢座厕所修建完成後，早前仲有开幕仪式，阿拉巴向当地居民赠送多件皇马球衣，当地人相当高兴，更估唔到嘅系，呢件事喺网上引起颇大回响，当地网民都大赞阿拉巴好有心，并无忘本。

原来阿拉巴出身绝不平凡，佢父亲系尼日利亚部落王子，阿拉巴喺奥地利出世，并成为奥地利国脚，後来加盟拜仁打出名堂，赢过好多锦标，上季过档皇家再赢西甲同欧联，名成利就。

阿拉巴系奥地利籍，同时亦系部落王族後裔，佢特意捐款返尼日利亚做慈善，受到民众爱戴，据讲阿拉巴仲会成立足球训练中心，喺当地提拔足球人才。