曼联阔别一季，终於重获欧联入场券，领队坦哈格成为红魔鬼史上第5位首季执教，就取得顶级联赛前4位嘅主帅，强如费格逊都做唔到。

根据OPTA统计，曼联史上首季领军就以联赛前4位过终点嘅主帅，包括约翰宾利(1912/13)、毕树比(1946/47)、朗艾坚逊(1981/82)、尹戈尔(2014/15)，坦哈格成为第5位做到呢个成绩嘅红魔鬼主帅。至於传奇领队费格逊1986/87年度中途接手执教曼联，该季仅排11位，第2季获得亚军。

另外，拉舒福特今仗射入1球，令佢成为自2012/13年球季尹佩斯之後，近10年首位单季各项赛事射入30球嘅曼联球员，亦系自2009/10年球季朗尼之後，首位单季主场入20球嘅曼联球员。