随住曼联4比1大胜车路士，利物浦入前4嘅唯一希望宣告幻灭，「红军」王牌前锋穆罕默德沙拿随即喺twitter发声明，批评利物浦今季嘅差劲表现。

穆罕默德沙拿表示：「(失落欧联资格)我极度沮丧！冇任何藉口可以解释，利物浦有一切出战下季欧联嘅条件，但我哋失败咗。我哋系利物浦，每季出战欧联系最低限度嘅要求，真系好对唔住，呢一刻我讲唔出咩乐观同振奋士气嘅说话，我哋令到球迷同自己失望。」

利物浦自2016/17球季後首度缺席欧联，期间仲拎过1次冠军同2次亚军，今届就喺16强被皇家马德里淘汰。利物浦对上一次踢欧霸盃系2015/16球季，当年佢哋亦杀入决赛，但最终输畀西维尔。