英超榜首阿仙奴今季全力争冠，1月份先後罗致李安度杜沙特、积及基奥柯同佐真奴3位猛将，令实力大大提升，不过更令球迷期待嘅系，因伤缺阵多时嘅加比尔捷西斯，周四(2日)喺社交网自爆已经可以重返球场，有传佢最快今个月底复出，令阿仙奴如虎添翼。

加比尔捷西斯喺上年底世盃期间严重受伤，做手术後预计要抖至少3个月，经过8个星期休养後，呢位巴西国脚周三喺社交网贴相，显示自己已经重新着起波砵踏入球场，预示佢嘅康复进度理想。加比尔捷西斯上星期曾被拍到同UFC名将卡比对话，当时佢透露希望「4至5星期後复出」。

阿仙奴喺3月份开始硬仗连场，包括欧霸盃16强赛事亦开打，加比尔捷西斯回归同几名新兵嘅加入，对「兵工厂」可以话系及时雨。