周四(25日)凌晨西甲赛事，皇家马德里主场2比1击败华历简奴，近日因受球迷种族歧视而成为焦点嘅云尼斯奥斯祖利亚，虽然打甩红牌唔使停赛，但今场依然冇上阵。皇马球员赛前齐齐着20号波衫，球迷亦喺比赛第20分钟起立鼓掌，声援呢位巴西球星。

云尼斯奥斯今场因膝伤并冇上阵，但系都有嚟现场向支持佢嘅球迷示好，皇马31分钟由宾施马先开纪录，虽然喺84分钟失守被追平，好在洛迪高高斯完场前1分钟「绝杀」，协助皇马赢2比1。皇马教练安察洛堤赛後讽刺表示：「云尼斯奥斯打甩红牌我好意外，因为我冇谂过赛会会正视自己嘅错误！」

经过种族歧视风波後，有传云尼斯奥斯打算离开西甲，不过安察洛堤就表明佢一定会留队：「佢好爱皇马，佢希望喺呢度建功立业，我相信佢会留低。」