前曼城球星班捷文文迪近日再度出庭，为被控性侵案答辩，呢位前法国世盃冠军成员语出惊人，喺庭上表示自己曾与1万个女人有性关系，言论一出引起网上热烈讨论。

班捷文文迪嘅官司缠绕多时，佢被控於2020年至2021年期间，同友人性侵多名女子，不过今年初佢已经被判7项指控无罪，另2项强奸同强奸未遂指控就要重审。

今次重审，班捷文文迪在庭上表示：「我曾与1万个女人有性关系」，呢番说话一出即被网友放大，有网友同佢计数：「佢今年28岁，当佢16岁开始有性行为，12年未停过，每晚都要2.2个女人先得。」

不过唔少网友认为，班捷文文迪呢句说话只系形容自己好多性伴侣，并非真系1万个女人，唔好咁认真。