誓师派对唔会搏命　埃及拍跳俄罗斯造「细」

2026-05-29　来源: 八一体育点击

埃及展开世界盃旅程前，第一场热身赛，主场迎战俄罗斯。4年前世盃，埃及未能杀入决赛周，今次亦好大机会系33岁嘅穆罕默德沙拿最後一次世盃，相信佢都希望无穿无烂迎接呢件盛事，预计今场热身赛会就住就住，事实上埃及战术保守，近4场有3次开2球或以下，推介2.5球入球细。（周五凌晨2时开赛）

俄罗斯受到禁赛令影响，唔可以亮相大型赛事，国家队都系踢啲热身赛。值得留意系，俄罗斯近排好客气咁招待对手，近4场只得1胜2和1负，赢波一场只系击败完全唔入流嘅尼加拉瓜，始终能够比赛嘅对手唔多，俄罗斯都唔会乱嚟，而且今场对手埃及，喺政治上系「全面战略夥伴关系」，双方喺经贸、能源及小麦农产品有高度合作，今场「联谊波」战意成疑。

至於埃及虽然有主场之利，但佢哋踢法一向保守，而且踢罢今场，过两日就会出发去美国，今场只系球迷大型欢送会嘅表演赛，球迷最紧要见到班球员健健康康出发，亦都唔会执意要求国家队成员搏晒命赢波，但求开开心心已经收货。

埃及领队哈森虽然拥有沙拿及曼城嘅马莫殊，但佢战术专注防守，好少见到球队比赛有大比数，最近4场3次零封对手，当中3场开2球或以下，今场睇嚟都系少交收场合，玩入球细啱数。