英超球会宾福特周一(26日)宣布，成功向南韩K2联赛城南一和签入新星金智秀(Kim Ji-soo)，双方签署4年+1年合约。18岁嘅金智秀被誉为「新金玟哉」，新球季会先为宾福特B队上阵，但被睇好好快就会晋升一队，宾福特总监亦大赞佢系「超级新人」。

同女子天团Blackpink嘅人气偶像Jisoo同名，身高1米92嘅金智秀喺南韩球坛同样备受注目，佢喺上年世青盃带领南韩U20杀入4强，无论身型同纯熟脚法都同金玟哉风格接近，自然成为欧洲球会争夺目标，最终由宾福特成功赢出。

金智秀转会後表示：「好遗憾唔可以好好同城南嘅球迷讲再见，但我今次转会系梦想成真，希望球迷会继续支持我。」宾福特总监基利斯亦表示：「金智秀系超级新人，所有欧洲好多球会都想签佢，好多谢我哋嘅转会团队完成收购，我哋会先安排佢学好英文同适应英国生活，并会畀佢跟一队练习，视乎表现安排上阵。」