巴塞隆拿官方周一(26日)宣布，根度简免费加盟，合约2+1，报道指年薪为900万欧元(约7670万港元)欧元，违约金4亿欧元(约34亿港元)。

32岁嘅根度简今季以队长身份率领曼城赢得三冠王，佢全季上阵51场入11球7助攻，一直有传佢同曼城倾掂续约，但结果曼城只肯开出1+1合约，比巴塞嘅2+1少1年。

除咗曼城，阿仙奴亦向呢位德国中场招手，如果「根叔」答应，来季就要喺英超倒戈，并非其所愿，另有报道指，沙特土豪亦向佢开出巨额合约，但被「根叔」拒绝。

德国《转会市场》估值，根度简身价为2000万欧元，依家免费加盟，可以话明益巴塞，而「根叔」亦将取代刚离队嘅布斯基斯，成为沙维建构巴塞嘅新核心。