以色列球队特拉维夫马卡比官方宣布，委任爱尔兰传奇球星罗比坚尼执掌球队教练职务，签约2年，挂靴後一直做助教嘅佢，新球季正式做主帅。

42岁嘅罗比坚尼踢过国米、热刺、利物浦、维拉同洛杉矶银河等多队，2018年挂靴後转做教练，做过爱尔兰、米杜士堡同列斯联助教，今季列斯联衞冕失败，佢亦随艾拿戴斯离队，但转头已经搵到新工作。

罗比坚尼同助手日内将到以色列接手球队，佢话：「好高兴接受呢项挑战，我同团队已经开始做嘢，并会做好工作，为新球季做准备。」特拉维夫马卡比系以色列传统劲旅，曾27次夺冠，上季排第3，罗比坚尼喺度教波，有一定夺冠压力。