上季勇夺「3冠王」嘅曼城，新球季衞冕路未展开已有波折，王牌中场奇云迪布尼喺欧联决赛受伤後，据报伤势颇为严重，将会缺席社区盾同埋英超开锣战。

英国《每日镜报》报道，奇云迪布尼喺欧联决赛所受嘅大腿筋伤患，检查後发现属於「三级撕裂」，虽然唔需要做手术，但就要长时间休养，8月初社区盾对阿仙奴，以及8月12日首场英超作客般尼都唔能够候命，不过军医希望奇云迪布尼可以喺8月17日欧超盃对西维尔复出，至少先出任後备。

31岁嘅奇云迪布尼上季为曼城上阵47场，据自爆喺球季最後2个月一直带伤上阵，喺欧联决赛终於「爆偈」受伤。