水晶宫赢得欧协联冠军後，前锋古斯辛特亦创造历史！呢位24岁嘅科特迪瓦国脚，成为史上首名1季内帮两支球队赢欧洲赛冠军嘅球员，真系边个够佢玩？

24岁嘅古斯辛特上半季效力阿士东维拉，虽然佢喺1月被外借去咗水晶宫，但之前都帮维拉喺欧霸盃上阵过7场，所以上星期维拉喺欧霸盃封王，古斯辛特都有得分一面冠军奖牌。

好戏在後头，古斯辛特转投水晶宫之後，喺欧协联踢咗6场比赛，包括喺今场决赛後备上阵！咁样一嚟，古斯辛特喺短短一星期内，成为欧霸、欧协联嘅「双料冠军」。

呢位「福将」完美融入两队，据报水晶宫依家考虑用约2,800万镑将佢买断。